S-4-C / S-4-D Raketaplan Kateqoriyası (Model Raket)

S-4-C / S-4-D Raketaplan kateqoriyasında raket mühərriki ilə havaya qaldırılan və mühərrik sönəndən sonra planer kimi enən modellər yarışır. Məqsəd — maksimum uçuş müddətinə nail olmaqdır. Kateqoriya istifadə olunan zaryadın (mühərrikin) sinfinə uyğun olaraq S-4-C və ya S-4-D kimi müəyyən edilir.

• Gövdənin diametri — minimum 25 mm.
• Raketin ümumi uzunluğu — maksimum 1000 mm.
• Kateqoriya istifadə olunan zaryadın (mühərrikin) sinfinə uyğun olaraq S-4-C və ya S-4-D müəyyən edilir.
• S-4-D üçün maksimum ümumi mühərrik impulsu: 20 N·s ("D" sinif).
• Mühərrik konfiqurasiyası: tək mühərrik; üst-üstə qoyulmuş mühərriklərə icazə verilmir.
• Bütün hissələr (mühərrik kapsulundan başqa) uçuş zamanı modeldən ayrılmamalıdır.
• Planer hissəsi yumşaq enməni təmin edən aerodinamik səth və idarəetmə səthlərinə malik olmalıdır.

• Hər iştirakçı 3 rəsmi uçuş edir.
• Hər uçuşun maksimum hesablanan müddəti: 180 saniyə.
• Final qiyməti — 3 uçuşun cəmi.
• Bərabərlik halında əlavə "fly-off" uçuşu keçirilir, müddət 240 saniyəyə qədər artırılır.
• Modelin uçuşdan sonra götürülməsi və hakimlərə təqdimi yalnız məsul mentor tərəfindən, bu Qaydaların 2-ci bölməsinə uyğun həyata keçirilməlidir.
• Uçuş müddəti modelin pad-dən qopduğu andan ilk yer təmasınadək ölçülür.

• Hər bir model uçuşdan sonra yalnız həmin modelə məsul olan mentor tərəfindən düşdüyü yerdən götürülməli və hakimlərə təqdim edilməlidir.
• Model hakimlərə təqdim edilənədək başqa iştirakçıya, mentora və ya üçüncü şəxsə verilməməlidir.
• Model hakimlərə uçuşdan sonra aşkar edildiyi vəziyyətdə təqdim edilməlidir.
• Modelin axtarılması, qorunması və vaxtında təqdim edilməsinə görə məsuliyyət müvafiq mentorun üzərinə düşür.

• Apellyasiya təqdim edildikdə, mübahisələndirilən nəticəyə aid olan məhz həmin model məsul mentor tərəfindən hakimlərə təqdim edilməlidir.
• Model müəyyən edilmiş qaydada və uçuşdan sonra olduğu vəziyyətdə təqdim edilməlidir.
• Modelin təqdim edilməməsi, məsul mentor tərəfindən təqdim olunmaması və ya təqdimetmə qaydalarının pozulması apellyasiyanın baxılmadan rədd edilməsi üçün əsasdır.
• Yuxarıda göstərilən şərtlər yerinə yetirilmədikdə, apellyasiyaya baxılmır.
• Apellyasiya yalnız bu Qaydaların bütün tələblərinə əməl edildiyi halda mahiyyəti üzrə nəzərdən keçirilir.

• Bütün mühərriklər sertifikatlı olmalıdır.
• Pad-dən minimum 5 m məsafədə tamaşaçı zonası təmin edilməlidir.
• Uçuş yalnız hava şəraiti uyğun olduqda keçirilə bilər.
• İştirakçılar qoruyucu eynəkdən istifadə etməlidir.
• Mühərrik yalnız elektrik start sistemi vasitəsilə alışdırılmalıdır.
• Əlavə pirotexniki vasitələrin istifadəsi qadağandır.

• Uçuş müddəti əsas nəticə meyarıdır.
• Yekun nəticə 3 rəsmi uçuşun cəminə əsasən müəyyən edilir.
• Bərabərlik halında fly-off keçirilir.
• Uçuşdan sonra model məsul mentor tərəfindən müəyyən olunmuş qaydada hakimlərə təqdim edilməlidir; əks halda nəticə etibarsızdır.

• Uçuş zamanı modelin parçalanması.
• Modelin yarış sahəsi xaricinə düşməsi və geri qaytarıla bilməməsi.
• Köməkçi uçuş cihazlarının (rezin motor, elektrik mühərriki) istifadəsi.
• Texniki tələblərə uyğun olmayan model istifadəsi.
• Modelin təqdimetmə qaydalarının pozulması (məsul mentor olmadan götürülməsi və ya üçüncü şəxsə verilməsi).
• Təhlükəsizlik qaydalarının pozulması.